Սրբոց Քառասնից Մանկանց Եկեղեցւոյ Անուանակոչութեան նախատօնակ | 2018

 

Սրբոց Քառասնից Մանկանց Եկեղեցւոյ 

Անուանակոչութեան նախատօնակին առթիւ, 

Եկեղեցւոյ շրջապատին մէջ տեղադրուած էին 

քանի մը կրպակներ, ինչպէս նաեւ պատրասուած էր 

գեղարուեստական կոկիկ յայտագիր մը, 

ուր հայկական պարով մը ելոյթ ունեցաւ 

Եկեղեցւոյս Կիրակնօրեայ վարժարանի 

աշակերտներէն խոխւմբ մը: 

Աւարտին, եկեղեցւոյ հովիւ Շնորհք քհնյ. Տէր Արթինեան 

կատարեց աղի օրհնութիւն: 

Աւելի ուշ Սրբոց Քառասնից Մանկանց Եկեղեցւոյ 

թաղականութեան եւ տիկնանց յանձնախումբին 

միացեալ գործակցութեամբ կատարուած

 մատաղի պատրաստութեան աշխատանքին, 

իրենց մասնակցութիւնը բերին Եկեղեցւոյս 

Կիրակնօրեայ վարժարանի երեցները:

Վկայագիրներու բաշխում

Կիրակի, 18 Մարտ 2018-ին տեղի ունեցաւ

 երկօրեայ սեմինարի մասնակցութեան 

վկայագիրներու բաշխումը:

Սեմինար 2018

Հինգշաբթի` 8 եւ Ուրբաթ` 9 Փետրուար 2018-ին, տեղի ունեցաւ Քառասնից Մանկանց Կիրակնօրեայ վարժարանի՝ օգնականներու եւ երեց դասարանի աշակերտներու համար յատուկ կազմակերպուած երկօրեայ սեմինարը: Երկու օրերու ընթացքին կայացած սեմինարին, աշակերտները ստացան հոգեւոր սնունդ ՝ մասնակցելով Սուրբ եւ անմահ պատարագի, աղօթելով եւ սերտելով հատուածներ Աւետարանէն, ինչպէս նաեւ ծանօթացան Հայ Եկեղեցւոյ պատարագին եւ շարականներուն. Տէրունական աղօթքի մանրամասն բացատրութենէ ետք, հոգեւոր երգերով խանդավառ փառաբանեցին զԱստուած: Անոնք մեծ ուշադրութեամբ հետեւեցան Տասնաբանեայ պատուիրաններու մասին պատրաստուած դասախօսութեան եւ լուսաբանական հարցումներ ուղղելով գաղեցին գիտելիքներու մեծ պաշար մը: Ընկերային ջերմ մթնոլորտի մէջ համախմբուած՝ դիտեցին ''War Room'' քրիստոնէական Ֆիլմը:Սեմինարը իր աւարտին հասաւ խմբային աշխատանքով, ներշնչուած Անիրաւ թատաւորի առակէն: